Mandala 10 - Sloka 108

kimichantI saramA predamAnaD dUre hyadhvA jaguriHparAcaiH kAsmehitiH kA paritakmyAsIt kathaM rasAyAataraH payAMsi indrasya dUtIriSitA carAmi maha ichantI paNayo nidhInvaH atiSkado bhiyasA tan na Avat tathA rasAyA atarampayAMsi kIdRMM indraH sarame kA dRshIkA yasyedaM dUtIrasaraH parAkAt A ca gachAn mitramenA dadhAmAthAgavAM gopatirno bhavAti nAhaM taM veda dabhyaM dabhat sa yasyedaM dUtIrasaraM parAkAt na taM gUhanti sravato gabhIrA hatAindreNa paNayaH shayadhve imA gAvaH sarame yA aichaH pari divo antAn subhagepatantI kasta enA ava sRjAdayudhvyutAsmAkamAyudhAsanti tigmA asenyA vaH paNayo vacAMsyaniSavyAstanvaH santu pApIH adhRSTo va etavA astu panthA bRhaspatirva ubhayA namRLAt ayaM nidhiH sarame adribudhno gobhirashvebhirvasubhirnyRSTaH rakSanti taM paNayo ye sugopA reku padamalakamA jagantha eha gamannRSayaH somashitA ayAsyo aN^giraso navagvAH ta etamUrvaM vi bhajanta gonAmathaitad vacaH paNayovamannit evA ca tvaM sarama Ajagantha prabAdhitA sahasA daivyena svasAraM tvA kRNavai mA punargA apa te gavAM subhagebhajAma nAhaM veda bhrAtRtvaM no svasRtvamindro viduraN^girasashca ghorAH gokAmA me achadayan yadAyamapAta ita paNayovarIyaH dUramita paNayo varIya ud gAvo yantu minatIr{R}tena bRhaspatiryA avindan nigULAH somo grAvANa RSayashca viprAH

Mandala 10 - Sloka 109

te.avadan prathamA brahmakilbiSe.akUpAraH salilomAtarishvA vILuharAstapa ugro mayobhUrApo devIHprathamajA Rtena somo rAjA prathamo brahmajAyAM punaH prAyachadahRNIyamAnaH anvartitA varuNo mitra AsIdagnirhotAhastagRhyA ninAya hastenaiva grAhya AdhirasyA brahmajAyeyamiti cedavocan na dUtAya prahye tastha eSA tathA rASTraM gupitaMkSatriyasya devA etasyAmavadanta pUrve saptaRSayastapase ye niSeduH bhImA jAyA brAhmaNasyopanItA durdhAM dadhAtiparame vyoman brahmacArI carati veviSad viSaH sa devAnAM bhavatyekamaN^gam tena jAyAmanvavindad bRhaspatiH somena nItAMjuhvaM na devAH punarvai devA adaduH punarmanuSyA uta rAjAnaHsatyaM kRNvAnA brahmajAyAM punardaduH punardAya brahmajAyAM kRtvI devairnikilbiSam UrjampRthivyA bhaktvAyorugAyamupAsate

Mandala 10 - Sloka 110

samiddho adya manuSo duroNe devo devAn yajasi jAtavedaH A ca vaha mitramahashcikitvAn tvaM dUtaH kavirasipracetAH tanUnapAt patha Rtasya yAnAn madhvA samañjan svadayAsujihva manmAni dhIbhiruta yajñaM Rndhan devatrA cakRNuhyadhvaraM naH AjuhvAna IDyo vandyashcA yAhyagne vasubhiH sajoSAH tvaM devAnAmasi yahva hotA sa enAn yakSISito yajIyAn prAcInaM barhiH pradishA pRthivyA vastorasyA vRjyateagre ahnAm vyu prathate vitaraM varIyo devebhyo aditayesyonam vyacasvatIrurviyA vi shrayantAM patibhyo na janayaHshumbhamAnAH devIrdvAro bRhatIrvishvaminvA devebhyobhavata suprAyaNAH A suSvayantI yajate upAke uSAsAnaktA sadatAM niyonau divye yoSaNe bRhatI surukme adhi shriyaMshukrapishaM dadhAne daivyA hotArA prathamA suvAcA mimAnA yajñaM manuSoyajadhyai pracodayantA vidatheSu kArU prAcInaM jyotiHpradishA dishantA A no yajñaM bhAratI tUyametviLA manuSvadihacetayantI tisro devIrbarhiredaM syonaM sarasvatIsvapasaH sadantu ya ime dyAvApRthivI janitrI rUpairapiMshad bhuvanAnivishvA tamadya hotariSito yajIyAn devaM tvaSTAramiha yakSi vidvAn upAvasRja tmanyA samañjan devAnAM pAtha RtuthAhavIMSi vanaspatiH shamitA devo agniH svadantu havyammadhunA ghRtena sadyo jAto vyamimIta yajñamagnirdevAnAmabhavatpurogAH asya hotuH pradishy Rtasya vAci svAhAkRtaMhaviradantu devAH

Mandala 10 - Sloka 111

manISiNaH pra bharadhvaM manISAM yathA\-yathA matayaHsanti nRNAm indraM satyairerayAmA kRtebhiH sa hivIro girvaNasyurvidAnaH Rtasya hi sadaso dhItiradyaut saM gArSTeyo vRSabhogobhirAnaT udatiSThat taviSeNA raveNa mahAnti citsaM vivyAcA rajAMsi indraH kila shrutyA asya veda sa hi jiSNuH pathikRtsUryAya An menAM kRNvannacyuto bhuvad goH patirdivaH sanajA apratItaH indro mahnA mahato arNavasya vratAminAdaN^girobhirgRNAnaH purUNi cin ni tatAnA rajAMsi dAdhAra yodharuNaM satyatAtA indro divaH pratimAnaM pRthivyA vishvA veda savanA hantishuSNam mahIM cid dyAmAtanot sUryeNa cAskambha citkambhanena skabhIyAn vajreNa hi vRtrahA vRtramastaradevasya shUshuvAnasyamAyAH vi dhRSNo atra dhRSatA jaghanthAthAbhavomaghavan bAhvojAH sacanta yaduSasaH sUryeNa citrAmasya ketavo rAmavindan A yan nakSatraM dadRshe divo na punaryato nakiraddhA nu veda dUraM kila prathamA jagmurAsAmindrasya yAH prasavesasrurApaH kva svidagraM kva budhna AsAmApomadhyaM kva vo nUnamantaH sRjaH sindhUnrahinA jagrasAnAnAdidetAH pra vivijrejavena mumukSamANA uta yA mumucre.adhedetA naramante nitiktAH sadhrIcIH sindhumushatIrivAyan sanAjjAra AritaHpUrbhidAsAm astamA te pArthivA vasUnyasme jagmuHsUnRtA indra pUrvIH

Mandala 10 - Sloka 112

indra piba pratikAmaM sutasya prAtaHsAvastava hipUrvapItiH harSasva hantave shUra shatrUnukthebhiS TevIryA pra bravAma yaste ratho manaso javIyAnendra tena somapeyAya yAhi tUyamA te harayaH pra dravantu yebhiryAsi vRSabhirmandamAnaH haritvatA varcasA sUryasya shreSThai rUpaistanvaMsparshayasva asmAbhirindra sakhibhirhuvAnaH sadhrIcInomAdayasvA niSadya yasya tyat te mahimAnaM madeSvime mahI rodasInAviviktAm tadoka A haribhirindra yuktaiH priyebhiryAhi priyamannamacha yasya shashvat papivAnindra shatrUnanAnukRtyA raNyAcakartha sa te purandhiM taviSImiyarti sa te madAyasuta indra somaH idaM te pAtraM sanavittamindra pibA somamenA shatakrato pUrNa AhAvo madirasya madhvo yaM vishva idabhiharyantidevAH vi hi tvAmindra purudhA janAso hitaprayaso vRSabhahvayante asmAkaM te madhumattamAnImA bhuvan savanA teSuharya pra ta indra pUrvyANi pra nUnaM vIryA vocaM prathamAkRtAni satInamanyurashrathAyo adriM suvedanAmakRNorbrahmaNe gAm ni Su sIda gaNapate gaNeSu tvAmAhurvipratamaMkavInAm na Rte tvat kriyate kiM canAre mahAmarkaMmaghavañcitramarca abhikhyA no maghavan nAdhamAnAn sakhe bodhi vasupatesakhInAm raNaM kRdhi raNakRt satyashuSmAbhakte cidAbhajA rAye asmAn

Mandala 10 - Sloka 113

tamasya dyAvApRthivI sacetasA vishvebhirdevairanushuSmamAvatAm yadait kRNvAno mahimAnamindriyampItvI somasya kratumAnavardhata tamasya viSNurmahimAnamojasAMshuM dadhanvAn madhunovi rapshate devebhirindro maghavA sayAvabhirvRtraMjaghanvAnabhavad vareNyaH vRtreNa yadahinA bibhradAyudhA samasthithA yudhayeshaMsamAvide vishve te atra marutaH saha tmanAvardhannugra mahimAnamindriyam jajñAna eva vyabAdhata spRdhaH prApashyad vIro abhipauMsyaM raNam avRshcadadrimava sasyadaH sRjadastabhnAn nAkaM svapasyayA pRthum AdindraH satrA taviSIrapatyata varIyo dyAvApRthivIabAdhata avAbharad dhRSito vajramAyasaM shevaM mitrAyavaruNAya dAshuSe indrasyAtra taviSIbhyo virapshina RghAyato araMhayantamanyave vRtraM yadugro vyavRshcadojasApo bibhratantamasA parIvRtam yA vIryANi prathamAni kartvA mahitvebhiryatamAnausamIyatuH dhvAntaM tamo.ava dadhvase hata indro mahnApUrvahUtAvapatyata vishve devAso adha vRSNyAni te.avardhayan somavatyAvacasyayA raddhaM vRtramahimindrasya hanmanAgnirnajambhaistRSvannamAvayat bhUri dakSebhirvacanebhir{R}kvabhiH sakhyebhiH sakhyAnipra vocata indro dhuniM ca cumuriM ca dambhayañchraddhAmanasyA shRNute dabhItaye tvaM purUNyA bharA svashvyA yebhirmaMsai nivacanAnishaMsan sugebhirvishvA duritA tarema vido Su Na urviyAgAdhamadya

Mandala 10 - Sloka 114

gharmA samantA trivRtaM vyApatustayorjuSTimmAtarishvA jagAma divas payo didhiSANA aveSan vidurdevAH sahasAmAnamarkam tisro deSTrAya nir{R}tIrupAsate dIrghashruto vi hijAnanti vahnayaH tAsAM ni cikyuH kavayo nidAnampareSu yA guhyeSu vrateSu catuSkapardA yuvatiH supeshA ghRtapratIkA vayunAni vaste tasyAM suparNA vRSaNA ni Sedaturyatra devA dadhirebhAgadheyam ekaH suparNaH sa samudramA viveSa sa idaM vishvambhuvanaM vi caSTe taM pAkena manasApashyamantitastammAtA reLi sa u reLi mAtaram suparNaM viprAH kavayo vacobhirekaM santaM bahudhAkalpayanti chandAMsi ca dadhato adhvareSu grahAn somasyamimate dvAdasha SaTtriMshAMshca caturaH kalpayantashchandAMsi cadadhata AdvAdasham yajñaM vimAya kavayo manISaRksAmAbhyAM pra rathaM vartayanti caturdashAnye mahimAno asya taM dhIrA vAcA pra Nayantisapta ApnAnaM tIrthaM ka iha pra vocad yena pathAprapibante sutasya sahasradhA pañcadashAnyukthA yAvad dyAvApRthivItAvadit tat sahasradhA mahimAnaH sahasraM yAvadbrahma viSThitaM tAvatI vAk kashchandasAM yogamA veda dhIraH ko dhiSNyAM prativAcaM papAda kaM RtvijAmaSTamaM shUramAhurharIindrasya ni cikAya kaH svit bhUmyA antaM paryeke caranti rathasya dhUrSu yuktAsoasthuH shramasya dAyaM vi bhajantyebhyo yadA yamo bhavatiharmye hitaH

Mandala 10 - Sloka 115

citra icchishostaruNasya vakSatho na yo mAtarAvapyetidhAtave anUdhA yadi jIjanadadhA ca nu vavakSa sadyomahi dUtyaM caran agnirha nAma dhAyi dannapastamaH saM yo vanA yuvatebhasmanA datA abhipramurA juhvA svadhvara ino naprothamAno yavase vRSA taM vo viM na druSadaM devamandhasa induM prothantampravapantamarNavam AsA vahniM na shociSA virapshinammahivrataM na sarajantamadhvanaH vi yasya te jrayasAnasyAjara dhakSorna vAtAH pari santyacyutAH A raNvAso yuyudhayo na satvanaM tritaMnashanta pra shiSanta iSTaye sa idagniH kanvvatamaH kaNvasakhAryaH parasyAntarasyataruSaH agniH pAtu gRNato agniH sUrInagnirdadAtuteSAmavo naH vAjintamAya sahyase supitrya tRSu cyavAno anu jAtavedase anudre cid yo dhRSatA varaM sate mahintamAya dhanvanedaviSyate evAgnirmartaiH saha sUribhirvasu STave sahasaH sUnaronRbhiH mitrAso na ye sudhitA RtAyavo dyAvo na dyumnairabhi santi mAnuSAn Urjo napAt sahasAvanniti tvopastutasya vandate vRSA vAk tvAM stoSAma tvayA suvIrA drAghIya AyuH pratarandadhAnAH iti tvAgne vRSTihavyasya putrA upastutAsa RSayo.avocan tAMshca pAhi gRNatashca sUrIn vaSaD vaSaL ityUrdhvAso anakSan namo nama ityUrdhvAso anakSan

Mandala 10 - Sloka 116

pibA somaM mahata indriyAya pibA vRtrAya hantaveshaviSTha piba rAye shavase hUyamAnaH piba madhvastRpadindrA vRSasva asya piba kSumataH prasthitasyendra somasya varamAsutashya svastidA manasA mAdayasvArvAcIno revatesaubhagAya mamattu tvA divyaH soma indra mamattu yaH sUyatepArthiveSu mamattu yena varivashcakartha mamattu yenaniriNAsi shatrUn A dvibarhA amino yAtvindro vRSA haribhyAM pariSiktamandhaH gavyA sutasya prabhRtasya madhvaH satrA khedAmarushahA vRSasva ni tigmAni bhrAshayan bhrAshyAnyava sthirA tanuhiyAtujUnAm ugrAya te saho balaM dadAmi pratItyAshatrUn vigadeSu vRshca vyarya indra tanuhi shravAMsyoja sthireva dhanvano'bhimAtIH asmadryag vAvRdhAnaH sahobhiranibhRSTastanvaM vAvRdhasva idaM havirmaghavan tubhyaM rAtaM prati samrAL ahRNAnogRbhAya tubhyaM suto maghavan tubhyaM pakvo.addhIndra pibaca prasthitasya addhIdindra prasthitemA havIMSi cano dadhiSva pacatotasomam prayasvantaH prati haryAmasi tvA satyAH santuyajamAnasya kAmAH prendrAgnibhyAM suvacasyAmiyarmi sindhAviva prerayaMnAvamarkaiH ayA iva pari caranti devA ye asmabhyandhanadA udbhidashca

Mandala 10 - Sloka 117

na vA u devAH kSudhamid vadhaM dadurutAshitamupagachanti mRtyavaH uto rayiH pRNato nopa dasyatyutApRNanmarDitAraM na vindate ya AdhrAya cakamAnAya pitvo.annavAn sanraphitAyopajagmuSe sthiraM manaH kRNute sevate purotocit sa marDitAraM na vindate sa id bhojo yo gRhave dadAtyannakAmAya carate kRshAya aramasmai bhavati yAmahUtA utAparISu kRNute sakhAyam na sa sakhA yo na dadAti sakhye sacAbhuve sacamAnAyapitvaH apAsmAt preyAn na tadoko asti pRNantamanyamaraNaM cidicHet pRNIyAdin nAdhamAnAya tavyAn drAghIyAMsamanupashyeta panthAm o hi vartante rathyeva cakrAnyam\-anyamupa tiSThanta rAyaH moghamannaM vindate apracetAH satyaM bravImi vadha it satasya nAryamaNaM puSyati no sakhAyaM kevalAgho bhavatikevalAdI kRSannit phAla AshitaM kRNoti yannadhvAnamapa vRN^ktecaritraiH vadan brahmAvadato vanIyAn pRNannApirapRNantamabhi SyAt ekapAd bhUyo dvipado vi cakrame dvipAt tripAdamabhyetipashcAt catuSpAdeti dvipadAmabhisvare sampashyanpaN^ktIrupatiSThamAnaH samau cid dhastau na samaM viviSTaH sammAtarA cin nasamaM duhAte yamayoshcin na samA vIryANi jñAtI citsantau na samaM pRNItaH

Mandala 10 - Sloka 118

agne haMsi nyatriNaM dIdyan martyeSvA sve kSayeshucivrata ut tiSThasi svAhuto ghRtAni prati modase yat tvA srucaHsamasthiran sa Ahuto vi rocate.agnirILenyo girA srucA pratIkamajyate ghRtenAgniH samajyate madhupratIka AhutaH rocamAnovibhAvasuH jaramANaH samidhyase devebhyo havyavAhana taM tvA havantamartyAH taM martA amartyaM ghRtenAgniM saparyata adAbhyaMgRhapatim adAbhyena shociSAgne rakSastvaM daha gopA RtasyadIdihi sa tvamagne pratIkena pratyoSa yAtudhAnyaH urukSayeSudIdyat taM tvA gIrbhirurukSayA havyavAhaM samIdhire yajiSThaM mAnuSe jane

Mandala 10 - Sloka 119

iti vA iti me mano gAmashvaM sanuyAmiti kuvitsomasyApAmiti pra vAtA iva dodhata un mA pItA ayaMsata kuvit ... un mA pItA ayaMsata rathamashvA ivAshavaH kuvit ... upa mA matirasthita vAshrA putramiva priyam kuvit ... ahaM taSTeva vandhuraM paryacAmi hRdA matim kuvit ... nahi me akSipaccanAchAntsuH pañca kRSTayaH kuvit ... nahi me rodasI ubhe anyaM pakSaM cana prati kuvit ... abhi dyAM mahinA bhuvamabhImAM pRthivIM mahIm kuvit... hantAhaM pRthivImimAM ni dadhAnIha veha vA kuvit ... oSamit pRthivImahaM jaN^ghanAnIha veha vA kuvit ... divi me anyaH pakSo.adho anyamacIkRSam kuvit ... ahamasmi mahAmaho.abhinabhyamudISitaH kuvit ... gRho yAmyaraMkRto devebhyo havyavAhanaH kuvit ...

Mandala 10 - Sloka 120

tadidAsa bhuvaneSu jyeSThaM yato jajña ugrastveSanRmNaH sadyo jajñAno ni riNAti shatrUnanu yaMvishve madantyUmAH vAvRdhAnaH shavasA bhUryojAH shatrurdAsAya bhiyasandadhAti avyanacca vyanacca sasni saM te navanta prabhRtAmadeSu tve kratumapi vRñjanti vishve dviryadete trirbhavantyUmAH svAdoH svAdIyaH svAdunA sRjA samadaH sumadhu madhunAbhi yodhIH iti cid dhi tvA dhanA jayantaM made\-made anumadanti viprAH ojIyo dhRSNo sthiramA tanuSva mA tvA dabhanyAtudhAnA durevAH tvayA vayaM shAshadmahe raNeSu prapashyanto yudhenyAnibhUri codayAmi ta AyudhA vacobhiH saM te shishAmibrahmaNA vayAMsi stuSeyyaM puruvarpasaM RbhvaminatamamAptyamAptyAnAm A darSate shavasA sapta dAnUn pra sAkSate pratimAnAnibhUri ni tad dadhiSe.avaraM paraM ca yasminnAvithAvasA duroNe A mAtarA sthApayase jigatnU ata inoSi karvarA purUNi imA brahma bRhaddivo vivaktIndrAya shUSamagriyaHsvarSAH maho gotrasya kSayati svarAjo durashca vishvAavRNodapa svAH evA mahAn bRhaddivo atharvAvocat svAM tanvamindrameva svasAro mAtaribhvarIrariprA hinvanti ca shavasAvardhayanti ca

Mandala 10 - Sloka 121

hiraNyagarbhaH samavartatAgre bhUtasya jAtaH patirekaAsIt sa dAdhAra pRthivIM dyAmutemAM kasmai devAyahaviSA vidhema ya AtmadA baladA yasya vishva upAsate prashiSaM yasyadevAH yasya chAyAmRtaM yasya mRtyuH kasmai devAyahaviSA vidhema yaH prANato nimiSato mahitvaika id rAjA jagato babhUva ya Ishe asya dvipadashcatuSpadaH kasmai devAya haviSAvidhema yasyeme himavanto mahitvA yasya samudraM rasayA sahAhuH yasyemAH pradisho yasya bAhU kasmai devAya haviSAvidhema yena dyaurugrA pRthivI ca dRLhA yena sva stabhitaM yenanAkaH yo antarikSe rajaso vimAnaH kasmai devAyahaviSA vidhema yaM krandasI avasA tastabhAne abhyaikSetAM manasArejamAne yatrAdhi sUra udito vibhAti kasmai devAyahaviSA vidhema Apo ha yad bRhatIrvishvamAyan garbhaM dadhAnAjanayantIragnim tato devAnAM samavartatAsurekaHkasmai devAya haviSA vidhema yashcidApo mahinA paryapashyad dakSaM dadhAnAjanayantIryajñam yo deveSvadhi deva eka AsIt kasmaidevAya haviSA vidhema mA no hiMsIjjanitA yaH pRthivyA yo vA divaMsatyadharmA jajAna yashcApashcandrA bRhatIrjajAnakasmai devAya haviSA vidhema prajApate na tvadetAnyanyo vishvA jAtAni pari tAbabhUva yatkAmAste juhumastan no astu vayaM syAma patayorayINAm

Mandala 10 - Sloka 122

vasuM na citramahasaM gRNISe vAmaM shevamatithimadviSeNyam sa rAsate shurudho vishvadhAyaso.agnirhotAgRhapatiH suvIryam juSANo agne prati harya me vaco vishvAni vidvAn vayunAnisukrato ghRtanirNig brahmaNe gAtumeraya tava devAajanayannanu vratam sapta dhAmAni pariyannamartyo dAshad dAshuSe sukRtemAmahasva suvIreNa rayiNAgne svAbhuvA yasta AnaTsamidhA taM juSasva yajñasya ketuM prathamaM purohitaM haviSmanta ILate saptavAjinam shRNvantamagniM ghRtapRSThamukSaNampRNantaM devaM pRNate suvIryam TvaM dUtaH prathamo vareNyaH sa hUyamAno amRtAyamatsva tvAM marjayan maruto dAshuSo gRhe tvAM stomebhirbhRgavo vi rurucuH iSaM duhan sudughAM vishvadhAyasaM yajñapriyeyajamAnAya sukrato agne ghRtasnustrir{R}tAni dIdyadvartiryajñaM pariyan sukratUyase tvAmidasyA uSaso vyuSTiSu dUtaM kRNvAnA ayajantamAnuSAH tvAM devA mahayAyyAya vAvRdhurAjyamagnenimRjanto adhvare ni tvA vasiSThA ahvanta vAjinaM gRNanto agne vidatheSuvedhasaH rAyas poSaM yajamAneSu dhAraya yUyaM pAtasvastibhiH sadA naH